June 12, 2025

TINGNAN | Araw ng Kalayaan 2025

Idinaos ang seremonya ng pag-aalay ng bulaklak sa Bantayog ng Kagitingan kaninang umaga para sa paggunita ng ika-127 Anibersaryo ng Araw ng Kalayaan. Nanguna rito sina Acting Municipal Mayor Grace Diaz at ang mga miyembro ng Sangguniang Bayan na sina Kgg. Jerry Cabanos, Kgg. Bong Libongco, Kgg. Joven Larga, Kgg. Ariel Manuel, Kgg. Noel Pagkatipunan, Kgg. Stephen Roxas, at Kgg. Butch Serfino.

Narito rin ang mga punong barangay, Sangguniang Kabataan Chairpersons, San Mateo MLGOO Sherlyn Onate-Resurreccion, San Mateo Municipal Police Station, San Mateo Fire Station, Bureau of Jail Management and Penology (BJMP), Department of Education (DepEd), San Mateo Municipal College (SMMC), Katipunang Pangkasaysayan ng San Mateo Rizal, Inc., Sons and Daughters of Veterans, Bernardo Carpio Masonic Lodge No. 359 San Mateo Rizal, Knights of Columbus, at Boy Scouts and Girl Scouts of the Philippines.

Bukod sa wreath laying ceremony, naging tampok din sa aktibidad na ito ang pag-aalay ng tula ni G. Adrian Maronilla ng Bernardo Carpio Masonic Lodge No. 359 na pinamagatang “Pagpupugay sa Watawat” at ang mga makabuluhang mensahe mula kina Mayora Grace at Admin Henry Desiderio. Ayon sa kanila, dapat nating dakilain ang araw na ito at panatilihing buhay sa ating mga puso ang masidhing pagmamahal sa ating kalayaan at sa ating Inang Bayan.

Muli, maligayang Araw ng Kalayaan, mga kababayan!

#ArawNgKalayaan #Kalayaan2025
#SanMateoRizalLGU
#SanMateoRizalPIO